Wednesday, April 2. Mataas ang araw na nagdudulot ng pagtagaktak ng pawis. Kaya’t bago pa lang magprusisyon ay para ka nang bagong ligo… sa pawis.
Ngayon, huling araw ko sa paaralang umahon sa akin sa lawa ng kamusmusan at muling nagpasisid sa akin sa dagat ng pagkalaki.
PROCESSIONAL
Ang pagtatapos. Tuluyan na nga ang aking pamamaalam sa paaralang iyon, sa mga gurong ginawa ang lahat upang hindi lang madagdagan ang aking karunungan ngunit lalo pang hubugin ang kagandahang asal at wastong pag-uugali. Kahit na ang mga iyo’y hindi gaanong tumalab sa akin, nakita ko naman kung paano maubos ang kanilang pasensya. Gayon na rin sa aking mga kamag-aralna kasama at kaakibat ko sa klase, recess, sermon, cutting classes (oi, di naman), pangongopya (oi, di naman din), lunch, recitation, daldalan, at kung anu-ano pang trip. Hindi ko sila malilimutan.
Kulang na kulang ang isang talata upang ihayag ang aking pamamaalam.
Kay sarap nga namang pakinggan ang matatamis na mga salitang “I confirm you graduates…” (Nasaan ang tassle ko??!)
Ate, nasa likod yung tassle mo.
(Akala ko, hindi na ako gagraduate… phew!)
CONGRATULATIONS!
*applause*
Kay sarap ding tanggapin ang inaasam-asam mong diploma. Nasa asul na lalagyan, nakabalot ng plastik, bigay ni Mayor Eusebio. Eto na ang 2-seconds-to-fame:
Ate, baliktad yung diploma mo…
(Aay, nakakahiya! Gagraduate na nga ako, puro kahiya-hiya pa ang mga nangyayari sa akin..!)
Nakakalungkot dahil iyon na rin ang huling pagkakataon upang awitin ang RHS Hymn.
Mga mag-araaaaal na dito nagmulaaaaa…
Dumakiiiiilaaa silaaaaa…
Mundooo’y kuuuumilaaaalaaaa…
‘Yan ay dahil sa mga guro nilaaaaa…
At sa paaralaaaaaang suloooo ng pagaaaaaasaaaaaa…
Nakakabingi ngunit nakakagaan ng loob ang paghihiyaw.
SA WAKAAAAAS!!! AFTER 400 YEARS, GRADUATE NA AKOOOOO!!!
RECESSIONAL
Tapos na ang Senior Blues. Bumenta nga ang blog na ito, pati na rin ang mga kalokohan ng gumawa nito. Ngunit marami pa ring naiiwang mga tanong:
Bakit Kuwentong Bughaw? Sino si Madre Gras? Bakit pinli niyang maging blogger kesa maging madre? Ano ang misteryo sa likod ng pumpkin cookie? Itutuloy pa ba niya ang blog na ito? O papasok siyang muli sa ibang katauhan at gagawa ng panibagong blog? Bibigyan kaya siya ng 95 o 96 sa Math para makapasok sa kursong gusto niya? Anong course niya? Saan siya mag-aaral? Magkano na kaya ang baon niya sa college? Saan na siya titira? at kung anu-ano pa ngunit…
+ABANGAN+
nakupo.
kilala naman kita e.
mukhang wala yatang nangyaring ganito ha… bento ka na naman, me maisulat lang…
What?
Lahat:
tatapusin ko na ang kalokohang ito.